गणेशोत्सव २०२५ -एक अविस्मरणीय सोहळा!

---

 किता कसाई कम्युनिटी हॉल येथे तोक्यो मराठी मंडळाचा वार्षिक गणेशोत्सव अत्यंत उत्साहात आणि हाऊसफुल्ल उपस्थितीत पार पडला. सुरुवात झाली गणेशपूजा, अथर्वशीर्ष पठण, आरती आणि मंत्रपुष्पांजलीने – ज्यामुळे सभागृहात भक्तिभावाचे वातावरण दरवळले. 

 यानंतर गुणदर्शनाच्या रंगारंग कार्यक्रमांनी प्रेक्षक अक्षरशः मंत्रमुग्ध झाले. कार्यक्रमांमध्ये विविधता, ऊर्जा आणि कौशल्य यांचा सुंदर संगम दिसला. लहान मुलांनी सादर केलेला स्पायडरमॅनच्या बायकोच्या विचारांवर आधारित विनोदी नृत्य सर्वांचे लक्ष वेधून घेत होते. पारंपरिक नांदी आणि आधुनिक संदेश देणारे भारूड उत्तमरीत्या सादर झाले.
विशेष आकर्षण ठरले ते मिकी शिमादा-सान यांचे इसराज या कठीण वाद्यावर सादर केलेले मराठी गाणे – ज्याला प्रचंड दाद मिळाली. पारंपरिक भरतनाट्यम् व कथ्थक नृत्यसादरीकरणे आणि दुसरीकडे नव्या मराठी गाण्यांवरची झकास नृत्ये – अशा पारंपरिक आणि आधुनिकतेच्या मेळाव्याने रंगत आणली.

यंदा अनेक जपानी मित्रांनीही हजेरी लावली. त्यांना भाषा समजली नाही तरी मंडळाच्या सदस्यांचा आपुलकीचा आणि सणासुदीचा माहोल त्यांच्यापर्यंत पोहोचला, हे त्यांनी विशेष नमूद केले.

 प्रेक्षकांचा एकमताने प्रतिसाद असा होता की – कार्यक्रमात भक्तिमय पूजेबरोबरच दर्जेदार आणि मनाला भिडणाऱ्या कलाप्रस्तुती पाहायला मिळाल्या आणि पुढेही असेच उपक्रम अनुभवायला आवडतील. 

🙏 विशेष आभार व क्रेडिट्स 🙏

• 🎤 साउंड सिस्टम : मोहित म्हसकर
   
• 🌸 गणपती सजावट : मंदार नाईक
   
• 🍲 गणपती प्रसाद : अनुपमा आणि नरेन देसाई, देसाई फूड्स आणि  सौ आरती कुलकर्णी
   
• 🎙️ सूत्रसंचालन : ओंकार धावडे, प्रतीक सुतार, ऐश्वर्या मते
   
• 📸 फोटोग्राफी मीडिया पार्टनर : “Choco Frames”
   

या वर्षीचा गणेशोत्सव यशस्वी होण्यासाठी योगदान देणाऱ्या सर्व स्वयंसेवक, कलाकार आणि उपस्थित प्रेक्षकांचे तोक्यो मराठी मंडळातर्फे मनःपूर्वक आभार!

गणपती बाप्पा मोरया! पुढच्या वर्षी लवकर या! 🌸