गणेशोत्सव : २०२१

---

२०२० प्रमाणे २०२१ मध्ये देखील कोरोनाचे निर्बंध चालूच राहिल्याने तोक्यो मराठी मंडळापुढे कार्यक्रम आयोजित करताना मोठा प्रश्नच उभा होता. पुन्हा एकदा ऑनलाईन माध्यमाचा आधार घेत आपले प्रसिद्ध कलाकार संकर्षण कऱ्हाडे आणि गायक अनिकेत सराफ ह्यांच्या कविता आणि गायन ह्यांच्या जुगलबंदीचा आस्वाद जपानमधील मराठी मंडळींना घेता आला. अनिकेत सराफ ह्यांनी अप्रतिम गीत सादर करून सुरमयी संध्याकाळची सुरवात केली, तर संकर्षण कऱ्हाडे ह्यांनी आपल्या कवितांचे सादरीकरण करून एक वेगळीच रंगत आणली. त्यानंतर अनिकेत सराफ ह्यांनी हे सुरांनो चंद्र व्हा, गझल, पाहिले न मी तुला, देव देव्हाऱ्यात नाही, इत्यादी गाणी गात रसिक प्रेक्षकांची मने जिंकली, तर संकर्षण कऱ्हाडे ह्यांनी देखील त्यांच्या गृहिणी, पंढरीच्या विठुराया, इत्यादी मनाला भिडणाऱ्या अप्रतिम कवितांचे सादरीकरण करून एक वेगळेच वातावरण केले. 

अगदी कमी वेळात संकर्षण कऱ्हाडे आणि अनिकेत सराफ ह्यांनी कार्यक्रमाची तयारी करून जपानमधील स्थायिक मराठी प्रेक्षकांचे मनोरंजन केल्या बद्दल तोक्यो मराठी मंडळ त्यांचे आभारी आहेत.